هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى التميز و الانفراد
 
الرئيسيةأحدث الصورالتسجيلدخول
المواضيع الأخيرة
»  السجل اليومي للحضور و الغياب
القنبلة ٣ Histoi1026/10/2011, 09:17 من طرف bomis

» لائحة العطل المدرسبة 2011-2012
القنبلة ٣ Histoi1026/10/2011, 09:04 من طرف bomis

» nokat maghribia
القنبلة ٣ Histoi108/10/2011, 02:16 من طرف mohammed

» جذاذات - توازيع - وثائق جميع المستويات
القنبلة ٣ Histoi1016/9/2011, 03:53 من طرف mohammed

» ارتقي بنفسك
القنبلة ٣ Histoi109/8/2011, 19:25 من طرف بنت العرب

» علم الفيزياء
القنبلة ٣ Histoi108/8/2011, 15:44 من طرف mohammed

» «®°.•°®» البوزيترون Positron «®°.•°®»
القنبلة ٣ Histoi108/8/2011, 15:32 من طرف mohammed

» هل انت مع استمرار او اغلاق منتديات الملتقى؟
القنبلة ٣ Histoi108/8/2011, 02:48 من طرف bomis

» اختصارات الفوتوشوب العامة
القنبلة ٣ Histoi107/8/2011, 14:32 من طرف mohammed

» طربقة لإيقاف تشغيل الكمبيوتر في خطوة واحدة ومن سطح المكتب
القنبلة ٣ Histoi107/8/2011, 13:04 من طرف mohammed

المواضيع الأكثر نشاطاً
لكل بداية نهايـة .. فنهايتنـا قد ابتدت
aidez moi svp.......!
وجوه و وجوه بمركز التكوين....وجوه أحببتها
عرسان لا علاقة
je vous laisse plus de temps pour réfléchir.ne trichez pas??!!!!
طلب نصيحة
اقرا الموضوع ....يهمك!
احساس مؤلم
غرميات
مرحبـا بالعضوة Picola
المواضيع الأكثر شعبية
أغنية المحبة لمجموعة تودرت
khotot arabia
ma9alat fi kalimat
قول عشر مرات و بسرعة
أينشتاين قصة أخطر عقل في العالم
جذاذات - توازيع - وثائق جميع المستويات
نماذج من مذكرات يومية و وثائق مختلفة
jodadat 4éme année
برنامج تعلم السياقة بالمغرب Code Rousseau
لكل بداية نهايـة .. فنهايتنـا قد ابتدت
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
تصويت
هل انت مع استمرار او اغلاق منتديات الملتقى؟
 مع استمرار المنتدىات
 مع اغلاق المنتديات
 لا اهتم
استعرض النتائج

 

 القنبلة ٣

اذهب الى الأسفل 
2 مشترك
كاتب الموضوعرسالة
بنت العرب
نائبة المدير
نائبة المدير
بنت العرب


نقاط : 17904
عدد الرسائل : 291
تاريخ التسجيل : 20/01/2008
البلد : المغرب
علم البلد : القنبلة ٣ Marocxb9
احترام قانون المنتدى :
القنبلة ٣ Left_bar_bleue100 / 100100 / 100القنبلة ٣ Right_bar_bleue


القنبلة ٣ Empty
مُساهمةموضوع: القنبلة ٣   القنبلة ٣ Histoi1027/3/2008, 15:29

الجزء الثالث
==========

مرت الشهور الثلاثة الاولى من خبر رده حمد بسرعه ومرت معاها الامتحانات اللي ابدعت فيها سمور .. سمر على شطانتها الا انها كانت وايد شاطرة بس ماتحب ترافج احد ولا تحب ولا أبله همها دراستها اللي كانت تشغلها عن كل هالامور. طبعا كانت تقلد على حمد بالشطارة.
خلصت الامتحانات وانجحت سمر ويابت معدل مرتفع مثل كل مرة ومثل كل مرة سقطت نصور في المواد اللي دايما يخاف منها وسمر تحب هالفترة لانها تنمدح جدام العايلة ونصور يلقى له الزف والهواش والعقاب اللي دايما ينحاش منه بعد ما يتدلع جدام امه ويبدي مسرحيه الملل اللي ملل البيت منها
يوم اليمعه اللي فات الغدى كان في بيت العم بو يعقوب اللي كان يبي يسوي مفاجئة حق ولده رشود اللي تخرج من الثانويه ويوريه السيارة اللي شراها حقه ..
بيت بو يعقوب اهو مزرعه اكثر من بيت ..لذا سمر تحب تروح هناك وايد بس سارة وملاحقها لها يخليها ما تروح وايد
كانت سمر يالسه عند البرجه واهي تسمع الاذاعه بالتلفون واغنيه تقطع القلب تغني ويا المغني :: جالس لحالي ولحالي .. هزني الشوف وذكرتك .. يعني معقوله يا غالي .. كل هاذا وما وحشتك :: غيبتك طالت ليالي .. يا عسى خير وعذرتك:: سمر ماكانت تدري بالعيون اللي كانت تراقبها واهي رايحه فيها بالاغاني.
ذيج العيون كانت نفس العيون اللي تطالعها من يوم ما كبرت سمر وبدت ملامح الجمال تظهر عليها بوضوح
محد غيره .. المتوله عليها .. يعقوب
يعقوب اكبر من سمر ب6 سنين وكان لين يفكر فيها يستحي ويقول في خاطره هاذي بحسبه اختي الصغيرة ويلعن الشيطان ويشغل حاله بشي ثاني لكن هيهات تفارق سمر باله
سارة تلاحظ اعجاب اخوها المخفي بالطماشه والنقرشه ويا سمور وكانت تضحك عليه ليش انه يكسر خاطرها ليما تشوف هالحركات منه .. وكله تدعي له لين تشوفه يطالع سمر بذيج الحنيه والشاعريه " ربي تكون سمر من نصيبك يااخوي"
سارة اليوم كانت وايد عاقدة قرارها انها تكوون صداقة ويا بنت عمها الشيطانة لو شنو ان شالله.
راحت وقعدت يم سمور اللي كانت رايحة عليها ودموعها متيمعة بعينها .. اول شي سارة ما كلمتها خلتها على راحتها وانتبهت لها سمور بعدين واضحكت بويها لاول مرة حتى ان سمر تعجبت من حالها ليش انها ضحكت وياها .. قالت في خاطرها .. ليش ماارافجها .. احسن منها ماكو .. اول من بدى الكلام اهي سارة لانها تعرف حق طبيعة سمر اللي الشطانة مغطية على خجلها
سارة: ها شخبار الناجحين ؟؟ عسى مستانسه
سمر: الحمد لله .. عادي ..
سارة بحيرة ما تدري شلون تحاجيها وتذكرت سالفه حمد وقالت في خاطرها .. هياااا
سارة : هاا؟ شخبار استعدادات ييه حمد ؟؟
انقزت سمر عشان تخبربنت عمها اهي شنو مسوية من استعدادات بس بسرعة فكرت .. هاذي شدراها عن استعداداتي .. شلي خلاها تسالني عن حمد بالذات ..
سمر تسال سارة والحيا ماخذها: ليش هالسؤال بالذات ؟؟
سارة واهي تبتسم احلى ابتسامه: يعني اذا ماااهتميتي حق موضوع حمد لمنو راح تهتمي؟
ويوم لاحظت خجل سمر الغريب كملت سارة بشجاعه اكبر
سارة: يا بنت عمي انه ادري انج اكثر وحدة تعزين حمد من بعد خالتي ام حمد واهو بعد كان واضحة معزته لج.
سمر: صج والله؟ تهقين حمد يعزني مثل ما انه اعزه
سارة : غلطان اللي يقول عكس هالكلام
سمر الدنيا مو سايعتها .. اهي كانت تعرف ان حمد كان يعزها بس كانت خايفه انه يحسبها مثل اخته اكثر من ما اهي بنت عمه.. بس كلام سارة غير اشياء وايد.
رد الصمت بيناتهم .. وسارة حست حالها عيزانه ما تدري تفتح أي موضوع ويا سمر لان سوالفها ما تعجب سمر وسمر وايد صبيانية بتفكيرها ...
قطعت سمر تفكير سارة واهي تناديها: سارة؟
سارة: نعم سمر
سمر مترددة ما تدري شلون تسال سارة عن الموضوع
سمر: سارة انه بغيت اطلب منج طلبة .. بس .. بس كنت خايفة انج ترديني
سارة: افا عليج يا سماري ماعاش اللي يرد لج طلب انتي طلبي وانه انفذ
سمر: وعد ؟؟
سارة: ايوة وعد
سمر: مو تستغلين هالشي عشان تفشليني جدام الشباب
سارة: افا عليج ماتعرفيني اعرق جدام عيال عمي مااعرف شلون اكلمهم هههههههههههههههههه
سمر: ههههههههههههههههه أي والله نسيت عيل بقول لج
سمر عدلت قعدتها وقابلت بنت عمها بعد ما كانت يالسه حذالها وسارة لا شعوريا حست ان السالفة جايده ويلست نفس يلسه سمر لها
سمر تكلمها بصوت واطي : ابيج تعلميني حركات بنات
سارة للحين مااستوعبت كلام سمر .. وبعد
سمر : ابيج تاخذيني المجمع اللي دوم تتكلمين عنه عشان اشتري لي منه ثياب واعدل من شكلي هاذا
واشتريلي شويه اغراض بنات .......... وسكتت سمر لانها ما تصدق اللي اهي قاعده تقوله حق بنت عمها
سارة كانت شوي وتنقز من الفرحة على هالشي بس يودت حالها عشان بنت عمها تكمل
سارة: اغراض مثل شنو ...؟ سارة كانت تعرف سمر شنو تقصد بس مسويه حالها ماتدري عن شي
سمر بدت تعصب وتندم على اللي طلبته : خبرج خاتم .. ترجيه .. روج ماادري شنو
سارة تسوي حالها مستوعبه توه للكلام: اهااااااااااا قصدج مكياج واكسسوارارت
سمر بدت تبتسم لانه ارتاحت شوي : أي هاذا اهو .
سارة قعدت تفكر شوي وجاوبتها : ما طلبتي يا بنت عمي
سمر ما صدقت عمرها: صج والله
سارة: أي والله
سمر لا شعوريا حظنت بنت عمها لاول مرة واهي تقول لها: مشكورة سرسر والله فديتج محد مثلج .. انه طول عمري واقول سارة وبس ... بيية يعقوب حذالهم سمر غيرت شكلها ونبرت صوتها عشان ترد سمر القبليه واهي تقول : ويعقوبو ياكل خس
يعقوب توه بيقعد استوى مرة ثانيه في وقفتها: انتي ما تقولين لي يالسحليه انه شنو مسوي فيج عشان اكل خس ويا ويهج
سمور: والله وتسال بعد .. انت اللي يايييب لي المرارة في مصاريني ويا هالحركات
يعقوب: أي حركات وياحضرتج
سمورر: لا تقعد تستهبل علي انت تعرف عن شنو انه اتكلم
يعقوب زاد من استعباطه عليها : تكفين ويا حلاتج مااعرف علميني.
سمر تقربت من يعقوب اللي طار مخه من كثر ما بنت عمه تخبله
:: لاتنسى هيفاءوو إلى للحين تسالني عن جاسم البغدادي ..
جف حلق يعقوب وبدى يطالع سمور بحقد .. هاذي من وين تعرف هالسوالف منو يقول لها عن سوالفه ويا ربعها البنات
قام يعقوب واهني بين سمر قزمه بطوله واهي يطالعها من فوق خشمه .. انتي ماتيوزين يالسحليه انه شنو المفروض اسوي فيج اللحين
سمور عقدت ايديها على صدرها ونفخت روحها عليه وتطالعه من صوب عينها: ولا شي سوى انك تاخذ بعمرك وتقلب ويهج عشان اكمل سوالف ويا بنت عمي وصديقتي
قلدها يعقوب : اوه اوه اوه من متى وانتو ربع
سارة بغت تتكلم بس سمر قاطعتها: مو شغلك .. وقامت تطالع سارة وتقول : اصلا احنه ربع من زمااااااان بس محد كان ملاحظ هالشي
يعقوب: اهااا بالمبارك عيل عليج اختي سارة والله يعينج يا سويرة على اللي بتلاقينه ويا هالنسرة
سمر: هااا؟؟ بديت تدز حظك وياي
يعقوب : ياللله ياللله قلبي ويهج اخر زمن لاتخليني الحين اشلج واقطج بالبرجه
سمر: فيك خير سوها
يعقوب: ها سارو.. اعقها
سارة واهي تضحك: لا صل على النبي شنو تقطها خلني انه وياها صج انك رزة ما تنعطى ويه يالله الب ويهك
يعقوب : شفتي خربتج هالنسرة
سمر: نسرة انت
يعقوب واهو يمشي عنهم: سحليه
سمر: سحليه انت
يعقوب: ذكيه
سمر: الذكي انت
وفجت عينها سمر على اخرهم عشان المغلب اللي قطها ولد عمها فيه وخلاها وراح واهو يضحك عليها واهو يقول لها: ما يحتاي انه من زمان ذكي
سموور كانت معصبة ولو على بدها تذبح يعقوب بس مسرع ما نسته وردت حق بنت عمها عشان يخططون عشان التشري.


أستنى ردودكم......
الرجوع الى أعلى الصفحة اذهب الى الأسفل
bomis

bomis


نقاط : 17971
عدد الرسائل : 184
تاريخ التسجيل : 31/12/2007
البلد : المغرب
علم البلد : القنبلة ٣ Marocxb9
احترام قانون المنتدى :
القنبلة ٣ Left_bar_bleue100 / 100100 / 100القنبلة ٣ Right_bar_bleue


بطاقة الشخصية
لعبة رمي النرد:

القنبلة ٣ Empty
مُساهمةموضوع: رد: القنبلة ٣   القنبلة ٣ Histoi1010/5/2008, 01:15

مشكور اختي جزاك الله خيرا


ننتظر جديدك ان شاء الله
الرجوع الى أعلى الصفحة اذهب الى الأسفل
 
القنبلة ٣
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: الملتقيات الادبية :: القصص والروايات-
انتقل الى: